Bosniya və Herseqovina millisinin futbolçuları Almaniya yığması ilə səfərdə Millətlər Liqası oyunundan əvvəl ölkənin ən böyük əyləncə parkı olan Baden-Vyürtemberqdəki Avropa Parkını ziyarət ediblər.
Lent.az-ın xarici mətbuata istinadl aməlumatına görə, 27 futbolçu və milli komandanın məşqçilər korpusunun üzvləri hündürlüyü 73 metr və maksimal sürəti 127 km/saat olan Silver Star (“Gümüş Ulduz”) attraksionunda gəzintiyə çıxıblar. Onlar eniş anında yəqin ki, milli komandanın tarixinin ən qeyri-adi fotolardan birinə çevriləcək bir foto çəkdiriblər.
Bosniya və Herseqovina yığması dörd oyundan sonra bir xalla Millətlər Liqasının (A) 3-cü qrupunda sonuncu yeri tutur. Noyabrın 16-da bosniyalılar Frayburqda almanlarla qarşılaşacaq. Qarşılaşma Bakı vaxtı ilə saat 23:45-də başlayacaq.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
