"Real"ın yarımmüdafiəçisi Luka Modriç komandadan ayrılaraq Səudiyyə Ərəbistanından bir kluba keçmək istədiyini klub rəhbərliyinə bildirib.
Lent.az-ın xarici mediaya istinadən məlumatına görə, xorvatiyalı futbolçu Səudiyyə Ərəbistanından sərfəli təklif alıb. Söhbət üç mövsüm üçün 120 milyon avrodan gedir. 37 yaşlı Modriçə belə bir məbləğ ödəməyə hazır olduğunu bildirən klubun adı açıqlanmır. Bildirilir ki, Luka klubdan ayrılmaq istəyi ilə bağlı “Real” rəhbərliyini xəbərdar edib.
Luka Modriçin "Real" ilə hazırkı müqaviləsi bu il iyunun sonunda başa çatır. Daha əvvəl bildirilib ki, tərəflər müqavilənin daha bir il uzadılması ilə bağlı razılığa gələ biliblər.
Yarımmüdafiəçi bu mövsüm "Real"ın heyətində bütün turnirlərdə 51 oyuna çıxıb, 6 qol vurub və 6 məhsuldar ötürmə edib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
