Avro 2024-ün püşkatma mərasimi seks sədaları altında keçirildi - VİDEO

UEFA AVRO-2024-ün püşkatma mərasimində ədəbsiz səslərin səbəbləri ilə bağlı araşdırmaya başlayıb.

Lent.az xarici mediaya istinadla bildirir ki, Almaniyanın Hamburq şəhərində 2024-cü ildə keçiriləcək Avropa çempionatının püşkatma mərasimi zamanı seks sədaları səsləndirili. Bir müddət sonra tanınmış pranker bunun məsuliyyətini üzərinə götürüb.

Gələn il Almaniya 2024-cü ildə futbol üzrə Avropa çempionatına ev sahibliyi edəcək. Bundan əvvəl Hamburqdakı Elbfilarmoniya zalında milli komandaların rəsmi püşkatma mərasimi keçirilib.

A qrupuna Almaniya, Şotlandiya, Macarıstan və İsveçrə daxildir. Bu elan edildikdən dərhal sonra zalda seksə bənzər yüksək səslər eşidilib. UEFA nümayəndələri buna diqqət çəkiblər, bundan sonra səslər kəsilib. Lakin bir neçə dəqiqə sonra təkrarlanıb.

Jarvo kimi tanınan britaniyalı pranker Daniel Jarvisin dediyinə görə, o, bu zarafata görə məsuliyyət daşıyır. İddiaya görə, o, zalda mikrofonun yanında zəng melodiyası seks səslərinə qurulmuş smartfon quraşdırıb.

Mərasim zamanı həmin zəng səsli telefona ehtimal ki, zəng gəlib. İlin əvvəlində pranker İngiltərə Premyer Liqası matçı zamanı BBC studiyasında oxşar zarafat etmək qərarına gəlib.

“Biz bunu bacardıq! Orada gizləndik, telefonu orada qoyduq, ona zəng etdik - və burada Avro 2024-ün püşkatma mərasimində seks səsləri var”, - Jarvis deyib.
UEFA artıq Avro 2024-ün qrup mərhələsinin püşkatma mərasimi zamanı cinsi səslərin yaranmasının səbəbləri ilə bağlı araşdırmaya başlayıb.

https://twitter.com/AgrOsip7903/status/1731678106304344416