Olimpiada-2012: Gənc cüdoçumuzdan möhtəşəm qələbə
30 iyul 2012 15:20 (UTC +04:00)

Olimpiada-2012: Gənc cüdoçumuzdan möhtəşəm qələbə

Lent.az-ın məlumatına görə, 73 kq çəki dərəcəsində çıxış edən 21 yaşlı idmançı ilk görüşündə CAR təmsilçisi Gideon van Zilə ipponla qalib gəlib.

Görüş afrikalı cüdoçunun üstünlüyü ilə başlayıb. Qarşılaşmanın əvvəllərində van Zil vazare fəndi ilə hesabda irəli çıxıb. Lakin yığmamızın baş məşqçisi Ağayar Axundzadənin verdiyi təlimatlar Orucovun köməyinə çatıb. Təcrübəli rəqibinin üzərinə hücumlar edərkən çətin vəziyyətə düşən cüdoçumuza Axundzadə tələsməməyi məsləhət görüb. Təmsilçimiz məsləhətlərə əməl edib və 5 dəqiqəlik döyüşün sonuna 32 saniyə qalmış rəqibinə gözəl fənd tətbiq edərək, yerə sərib. Bununla da Orucov təmiz qələbə ilə adını 1/8 finala yazdırıb.

Qeyd edək ki, növbəti mərhələdə Rüstəm Orucovun rəqibi rusiyalı Mansur İsayev olacaq. İsayev 1/16 finalda ispaniyalı Kiyoşi Uematsuya qalib gəlib.
# 834

Oxşar yazılar