Messi Avropanın ən yaxşı futbolçusu seçildi
Lent.az-ın məlumatına görə, avqustun 25-də Monakoda Çempionlar Liqasının qrup mərhələsinin püşkatması zamanı Messiyə mükafat verilib.
2010-2011-ci il mövsümünün ən yaxşı futbolçusunu Avropa futbol təşkilatına üzv 53 ölkənin idman jurnalisti müəyyənləşdirib. Messiyə 38 nəfər səs verib. Argentinalı hücumçu həmklubu Xavi Ernandesi 11 səs, “Real Madrid”in portuqaliyalı ulduzu Kriştianu Ronaldunu 3 səs qabaqlayıb.
Ən yaxşı “10-luğ”a “Barsa”nın daha 2 futbolçusu – Andres İnyesta və Xerard Pike düşüb. Nüfuzlu mükafat uğrunda ötən mövsüm Portuqaliya “Portu”sunda oynayan, yayda isə İspaniya “Atletiko”suna keçən Falkao, Ueyn Runi, Nemanya Vidiç (hər ikisi “Mançester Yunayted”, İngiltərə), Zlatan İbrahimoviç (“Milan”, İtaliya) və Manuel Noyer (“Şalke 04” – “Bavariya”, Almaniya) da mübarizə aparıb.
Ötən mövsüm Messi “Barselona”nın heyətində 53 qol vurub. Onlardan 12-si Çempionlar Liqasında qeydə alınıb. 24 yaşlı forvard bu turnirdə 3 dəfə ən yaxşı bombardir olub.
Qeyd edək ki, UEFA Avropanın ən yaxşı futbolçusu üçün mükafatı 2011-ci ilin iyulunda təsis edib. Bu mükafat klub futbolunda ən yaxşı oyunçu üçün mükafatı əvəzləyib. Artıq səsvermədə futbolçuların həm klub, həm də yığmalar səviyyəsində bütün milli və beynəlxalq turnirlərdə iştirakı nəzərə alınır.
2010-2011-ci il mövsümünün ən yaxşı futbolçusunu Avropa futbol təşkilatına üzv 53 ölkənin idman jurnalisti müəyyənləşdirib. Messiyə 38 nəfər səs verib. Argentinalı hücumçu həmklubu Xavi Ernandesi 11 səs, “Real Madrid”in portuqaliyalı ulduzu Kriştianu Ronaldunu 3 səs qabaqlayıb.
Ən yaxşı “10-luğ”a “Barsa”nın daha 2 futbolçusu – Andres İnyesta və Xerard Pike düşüb. Nüfuzlu mükafat uğrunda ötən mövsüm Portuqaliya “Portu”sunda oynayan, yayda isə İspaniya “Atletiko”suna keçən Falkao, Ueyn Runi, Nemanya Vidiç (hər ikisi “Mançester Yunayted”, İngiltərə), Zlatan İbrahimoviç (“Milan”, İtaliya) və Manuel Noyer (“Şalke 04” – “Bavariya”, Almaniya) da mübarizə aparıb.
Ötən mövsüm Messi “Barselona”nın heyətində 53 qol vurub. Onlardan 12-si Çempionlar Liqasında qeydə alınıb. 24 yaşlı forvard bu turnirdə 3 dəfə ən yaxşı bombardir olub.
Qeyd edək ki, UEFA Avropanın ən yaxşı futbolçusu üçün mükafatı 2011-ci ilin iyulunda təsis edib. Bu mükafat klub futbolunda ən yaxşı oyunçu üçün mükafatı əvəzləyib. Artıq səsvermədə futbolçuların həm klub, həm də yığmalar səviyyəsində bütün milli və beynəlxalq turnirlərdə iştirakı nəzərə alınır.
1037