Argentina millisi yeni baş məşqçiyə tapşırıldı

Lent.az-ın məlumatına görə, bu barədə Argentina Futbol Assosiasiyasının (AFA) baş katibi Xose Luis Meyszner bildirib. Sabelya Argentina millisinin Amerika Kubokunun ¼ finalında mübarizəni dayandırmasından sonra istefaya göndərilmiş Serxio Batistanı əvəzləyib. Batista bu vəzifədə 8 aydan bir qədər çox çalışıb.

Qeyd edək ki, Alexandro Sabelya məşqçilik fəaliyyətinə 1990-cı illərin əvvəllərində başlayıb. O, uzun müddət İtaliyanın “Parma”, Meksikanın “Monterrey”, Braziliyanın “Korintians” klublarında, habelə Argentina və Uruqvay yığmalarında tanınmış mütəxəssis Daniel Passarellanın köməkçisi kimi çalışıb. Sabelya baş məşqçi kimi 2009-cu ildə Argentina “Estudiantes”ində debüt edib. 58 yaşlı mütəxəssis bu komanda ilə Libertadores Kubokunu və Argentina yaz çempionluğunu qazanıb. Fevralda “Estudiantes”dən ayrılan Sabelya BƏƏ-nin “Əl-Cəzirə” yayda komandasına baş məşqçi təyin olunmalı idi. Lakin AFA onu fikrindən döndərə bilib.