Rəşad Sadıqov: “Hələ şokdan ayılmamışıq”

Lent.az klubun rəsmi saytına istinadən xəbər verir ki, dünəndən Belçikanın qədim şəhərində məskunlaşan komanda bu gün yerli vaxtla 20:30-da (Bakı vaxtıyla 21:30) məşqə çıxacaq. Şəhərə dünəndən sulu qar yağıb, bu gün isə yağış hələ də davam edir.

Qeyd edək ki, “Qarabağ”ın bu çətin oyunu ərəfəsində komandanın aparıcı oyunçularından olan Rəşad Sadiqovun qardaşı Səbuhi Sadiqov 29 yaşında ürək tutmasından vəfat edib. R. Sadiqov bunun ardınca komandanın düşərgəsini tərk edərək, Azərbaycana qayıdıb.

Azərbaycan millisinin kapitanı Rəşad Sadıqov klubun saytına açıqlamasında deyib ki, o, Səbuhi ilə uşaqlıqdan dost olub: “Rəşadı mən Səbuhiyə görə tanımışam. Ona görə də necə üzüldüyümü söyləmək yersizdi. “Qarabağ” bir ailədi. Səbuhini nəinki mən, eləcə də komandamızın əksər üzvləri tanıyırdı. Yaxşı, mehriban, qardaşyana münasibətləri vardı. Ona görə də indi hamı məyusdu. Xəbəri eşidəndə Rəşadla Bakıya qayıtmaq istədim. Ona bütün komanda dəstək olmaq istəyir. Hamımız Rəşadın yanında olmaq istəyirik. Hələ şokdan ayılmamışıq ki, oyun haqqında fikirləşək. Rəşada demək istəyirəm ki, hamımız sənin yanındayıq. Onun dərdini paylaşırıq. Bu olay göstərir ki, həyatda daha vacib şeylər var. Allah ona rəhmət eləsin”.