“Bakı” qələbəni əldən verdi

Lent.az-ın məlumatına görə, rəqib Sloveniya birinci liqasında çıxış edən “Radomlye” olub.

“Sportni Park Rogaska” stadionunda baş tutan görüş 1:1 hesabı ilə nəticələnib. Sloveniyalı hakimlər briqadasının idarə etdiyi görüşdə hesabı 51-ci dəqiqədə “Bakı”nın yeni transferi Uinston Parks açıb. 74-cü dəqiqədə “zolaqlılar”ın daha bir qol vurmaq imkanı olsa da, Fabio Luis Ramim penaltini dəqiq yerinə yetirə bilməyib. Əvəzində 80-ci dəqiqədə meydan sahibləri bərabərlik qolunu vurmağa nail olublar.

"Bakı" oyuna bu heyətdə başlayıb:

1. Marko Şarliya 5. Stevan Bates 77. Aleksandar Soliç 6. İbrahim Karqbo 21. Novruz Məmmədov 9. Elvin Məmmədov 14. Elvin Əliyev 36. Uinston Parks 22. Maris Verpakovski 18. Denis İvanov 7. Daividas Çesnauskis.

Fasilədən sonra Aleksandr Soliç və Elvin Əliyevin əvəzinə Emin Cəfərquliyev və Nicat Abdullayev meydançaya daxil olub. Cəmşid Məhərrəmov və Vyaçeslav Sofroni Uinston Parks və Deyvidas Çesnauskisi, Fabio Luis Ramim və Vadim Borets Elvin Məmmədov və İbrahim Karqbonu, Aleksey Savinov Maris Verpakovskini, Şəhriyar Əliyev Novruz Məmmədovu əvəzləyib.

“Bakı” növbəti yoxlama matçını iyulun 21-də Türkiyə Super Liqa təmsilçisi "Karabükspor"a qarşı keçirəcək. Ötən mövsümü Superliqada 9-cu yerdə başa vuran komanda ilə oyun Bakı vaxtı ilə saat 21:00-da başlanacaq.