Çempionlar Liqasının finalı yenidən “Uembli”də

Lent.az-ın məlumatına görə, bu barədə UEFA prezidenti Mişel Platini açıqlama verib.

Platini bildirib ki, bu qərar 2 il sonra İngiltərə Futbol Assosiasiyasının (FA) 150 illik yubileyini qeyd edəcəyi ilə əlaqədar verilib. FA dünyanın ən qədim futbol assosiasiyasıdır. 2011-ci ildə də Çempionlar Liqasının finalı “Uembli”də təşkil olunub. Həlledici görüşdə İspaniya “Barselona”sı İngiltərə “Mançester Yunayted”ini məğlub edib - 3:1.

2013-cü il Avropa Liqasının finalı Hollandiyanın paytaxtı Amsterdamda baş tutacaq. Görüş “Ayaks”ın ev oyunlarını keçirdiyi “Amsterdam Arena”da təşkil olunacaq. UEFA Superkuboku matçını isə Monako deyil, Çexiyanın paytaxtı Praqa qəbul edəcək.

Qeyd edək ki, 2011-2012-ci il mövsümündə Çempionlar Liqasının finalı mayın 19-da Almaniyadakı “Münhen Arena”da, Avropa Liqasının həlledici görüşü isə bundan 10 gün öncə Rumıniyanın paytaxtı Buxarestdəki milli stadionda keçiriləcək.