Mübariz Mənsimov Azərbaycan Kubokunun final matçı üçün Bakıya gələcək
23 may 2011 20:18 (UTC +04:00)

Mübariz Mənsimov Azərbaycan Kubokunun final matçı üçün Bakıya gələcək

Mayın 24-də keçiriləcək NBC Bank Azərbaycan Kubokunun final matçı öncəsi “Xəzər-Lənkəran” klubunun baş məşqçisi Mirca Rednik və komandanın kapitanı və qapıçısı Kamran Ağayev birgə mətbuat konfransı keçiriblər. Lent.az-ın verdii məlumata görə, Mirca Rednik deyib ki, kubok haqqında danışdığını, çempionluqla bağlı söz verdiyini xatırladıb.

Zədəli oyunçularının olmadığını bildirən baş məşqçi qeyd edib ki, Azərbaycan Kubokunun final matçı vacib oyundur: “İnter”lə oyuna yaxşı hazırlaşmışıq. “İnter”in heyətində ucaboylu oyunçular var. Biz penaltiyə də hazırıq. Uduzsaq, komanda və oyunçular üçün biabırçılıq olacaq”.

O, 5 oyunluq cəzasının ləğv edilməsini də normal qərar sayıb: “Təhlükəli hərəkət yoxdur”. Mirca Rednik “Neftçi” komandasına qarşı tək oynadıqlarını vurğulayıb: “Gedişimdən sonra kimlərsə sevinəcək. Amma mən getməyəcəm. Çünki kuboku götürücəyimizə əminəm”.

Kamran Ağayev isə qeyd edib ki, məşqçi böyük qüvvədir: “Finalda məşqçi olmalıdır. Əsas məsələ odur ki, səhv davamlı olmasın”.

Qeyd edək ki, mətbuat konfransında “Xəzər-Lənkəran” klubunun prezidenti Mübariz Mənsimovun qonaqları ilə birlikdə final matçını izləməyə gələcəyi bildirilib. Ancaq qonaqların kim olduğu açıqlanmayıb.


Elşən Məmmədov
# 1072

Oxşar yazılar