Məşhur futbol şərhçisi Rıdvan Dilmənə 68 il həbs cəzası istənildi

Lent.az-ın “Habertürk”ə istinadən verdiyi məlumata görə, iddiada Dilmənin sevgilisi olduğu ehtimal olunan qızın bütün əlaqələrini öyrənə bilmək üçün şübhəlilər Mehmet Yanık və Zafer Çalışkan vasitəsilə operator Fatih Bilirdən əlaqə səs yazılarını təmin etdiyi əksini tapıb.

Eyni zamanda Rıdvan Dilmənin həyat yoldaşı Ayşə Nur Dilmən və onun vasitəsilə zərərçəkənlərlə Tanju Çolak və Melih Şəkərin də əlaqə məlumatlarını eyni yolla ələ keçirdiyi bildirilib. Məşhur şərhçinin 1 ildən 4 ilədək həbsini nəzərdə tutan maddə üzrə cinayəti düz 17 dəfə təkrarladığı göstərilib. Bu səbəbdən, iddianamədə Dilmənə qarşı 17 ildən 68 ilədək həbs cəzası istənilib. Cinayət işində ən yüksək həbs cəzası isə əlaqə operatorunda çalışan cavabdeh Fatih Bilirə istənilib. Cinayəti 64 dəfə işlətdiyi bildirilən Bilir üçün 64 ildən 256 ilədək həbs cəzası tələb edilib.