Ronaldu 3 həftəlik sıradan çıxıb
31 avqust 2010 18:50 (UTC +04:00)

Ronaldu 3 həftəlik sıradan çıxıb

Lent.az-ın “Marca”ya istinadən verdiyi məlumata görə, buna 25 yaşlı yarımmüdafiəçinin İspaniya çempionatının ilk turunda “Malyorka” ilə qarşılaşmada zədələnməsi səbəb olub.

Avqustun 29-da keçirilən qarşılaşmada portuqaliyalı oyunçu topuq nahiyəsindən xəsarət alıb. “Kral klubu”nun həkimi Karlos Dias Ronaldunun zədəsinin öncədən güman edildiyi qədər ciddi olmadığını açıqlayıb.

Bununla belə, 2009-cu ilin ən yaxşı futbolçusu Portuqaliya millisinin düşərgəsinə yollana bilməyib. O, sentyabrın 3-də Kipr, bundan 4 gün sonra isə Norveçlə 2012-ci il Avropa çempionatı matçlarında yığmadan kənarda qalacaq. Ronaldunun sentyabrın 12-də “Osasuna” ilə İspaniya çempionatı, sentyabrın 16-da isə Hollandiya “Ayaks”ı ilə Çempionlar Liqası qarşılaşmalarını buraxacağı gözlənilir.
# 603

Oxşar yazılar