“Prezident Kuboku”nda yeni lider

Bakıda Heydər Əliyevin xatirəsinə təşkil olunan şahmat üzrə “Prezident Kuboku”nda ikinci oyun günü arxada qalıb. Lent.az-ın məlumatına görə, ilk oyun gününü 2 görüşdən maksimum sayda qələbə ilə başa vuran Şəhriyar Məmmədyarov ertəsi gün liderliyini əldən verib.

Aprelin 30-da baş tutan 3 turda ən yaxşı nəticəni şahmatçımız Teymur Rəcəbovla yanaşı, Vladimir Kramnik və Qata Kamski göstərib. Rəcəbov və rusiyalı keçmiş dünya çempionu 3 görüşdən 1 qələbə, 2 heç-heçə, ABŞ-dan olan qrossmeyster isə 2 qələbə, 1 məğlubiyyətlə ayrılıb. Kramnik məhz Kamskini yenib. Amerikalı qrossmeyster isə qələbələrini azərbaycanlı həmkarları Şəhriyar Məmmədyarov və Rauf Məmmədov üzərində qazanıb.

3-cü tur

Yudit Polqar (Macarıstan) – Emil Sutovski (İsrail) – 0,5:0,5
Rauf Məmmədov – Teymur Rəcəbov – 0,5:0,5
Şəhriyar Məmmədyarov – Qata Kamski (ABŞ) – 0:1
Vladimir Kramnik (Rusiya) – Qədir Hüseynov – 0,5:0,5

4-cü tur

Qədir Hüseynov – Şəhriyar Məmmədyarov – 0,5:0,5
Vladimir Kramnik – Yudit Polqar – 0,5:0,5
Qata Kamski – Rauf Məmmədov – 1:0
Teymur Rəcəbov – Emil Sutovski – 1:0

5-ci tur

Qədir Hüseynov – Yudit Polqar – 0:1
Qata Kamski – Vladimir Kramnik – 0:1
Teymur Rəcəbov – Şəhriyar Məmmədyarov – 0,5:0,5
Emil Sutovski – Rauf Məmmədov – 1:0

5 turdan sonrakı vəziyyət: Kamski - 3.5, Məmmədyarov, Sutovski, Kramnik - 3, Rəcəbov, Polqar - 2.5, Hüseynov 1.5, Məmmədov - 1.