Gecə saatlarında pişiyinizin dayanmadan miyoldaması sizi oyadırsa, bu, sadəcə diqqət və ya yemək istəyi ilə bağlı olmaya da bilər.
Lent.az-ın xarici mətbuata istinadla məlumatına görə, baytarlar bu davranışın əsas səbəblərini və onu aradan qaldırma yollarını izah ediblər.
Pişiklərin gecə miyoldamasının əsas səbəbləri
1. Diqqət və ya oyun istəyi
Ən yayılmış səbəb budur pişik sadəcə diqqət və ya oynamaq istəyir. Xüsusilə gənc və enerjili pişiklər gecə aktiv olurlar.
2. Aclıq
Əgər pişik axşam az yeyibsə, gecə ac qalaraq sizi oyatmağa çalışa bilər. Bu halda zamanlayıcılı avtomatik yem dispenseri kömək edə bilər.
3. Stress və ya mühit dəyişikliyi
Yeni evə köç, başqa heyvanın və ya körpənin doğulması, sahibin gündəlik rejimində dəyişiklik - bütün bunlar pişikdə narahatlıq yarada bilər.
4. Sağlamlıq problemləri
Xüsusilə yaşlı pişiklərdə gecə miyoldama ağrı, qalxanabənzər vəzi pozğunluğu və ya kognitiv zəifləmə ilə bağlı ola bilər. Belə hallarda mütləq baytara müraciət edilməlidir.
5. Hormonal dəyişikliklər
Qısırlaşdırılmamış pişiklər cütləşmə dövründə çox gur səslə miyoldaya bilər bu, instinktiv davranışdır.
Necə kömək etmək olar?
Gecə diqqət istəməməsi üçün gündüzlər pişiyə daha çox oyun və ünsiyyət ayırın. Axşam yatmazdan əvvəl 10–15 dəqiqə aktiv oyun enerjisini azaltmağa kömək edir. Qidalanma saatlarını sabit saxlayın.
Miyoldadığı zaman reaksiya verməyin əks halda pişik anlayacaq ki, səs çıxaranda siz oyanırsınız, və bunu vərdişə çevirəcək. Evdə sakit atmosfer yaradın, işıq və səs qıcıqlarını minimuma endirin.
Nə vaxt baytara müraciət etmək lazımdır?
Pişik ağrılı, uzunmüddətli və ya qəribə səslərlə miyoldayırsa;
Yuxu və qidalanma rejimi pozulubsa;
Qocalıq əlamətləri və ya hərəkət çətinliyi müşahidə edilirsə - bu zaman səbəbin tibbi olduğunu anlamaq üçün baytar müayinəsi vacibdir.
Bəzən pişiklər yuxuda da miyoldayır. Mütəxəssislərin fikrincə, bu tamamilə normaldır onlar yuxuda gün ərzində yaşadıqları hadisələri “yenidən yaşayırlar”.
Elm sübut edib ki, pişiklərlə ünsiyyət stresi azaldır və ürək sağlamlığını gücləndirir yəni, sevimli dostunuz təkcə gecələr sizi oyatmaqla yox, həm də sağlamlığınıza təsir edir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
