Hansı heyvanların qulaqları ən iti eşidir?

Alimlər uzun illərdir dünyanın hansı heyvanının ən yaxşı eşitmə qabiliyyətinə sahib olması barədə mübahisə edirlər. Bəzi heyvanlar kilometrlərlə uzaqdan səsləri eşidə bilirlər.

Lent.az bu heyvanları təqdim edir:

Məsələn, yarasalar yüksək tezlikli səslər çıxararaq səs dalğalarının əks-sədasına qulaq asmaqla məkan oriyentasiyasını müəyyənləşdirirlər. Lakin “ən yaxşı eşitmə qabiliyyətinə malik heyvan” adını qazana biləcək başqa canlılar da var. Qeyd olunur ki, mum güvəsi 300 kilohertsdək tezlikləri eşidə bilir. Bu, insan qulağının eşidə biləcəyi yuxarı həddən təxminən 15 dəfə yüksəkdir. Daha da maraqlısı odur ki, mum güvəsi yarasanın çıxardığı səsi rahatlıqla eşidib vaxtında ondan yayınır. Bu da onların sağ qalmasına kömək edir.

Oldenburq Universitetində (Almaniya) ilbiz fiziologiyası və eşitmə beyin kötüyü üzrə professor Kristina Köppl jurnalistlərə bildirib ki, hansı heyvanın dünyada ən yaxşı eşitmə qabiliyyətinə malik olduğunu dəqiq müəyyənləşdirmək o qədər də asan deyil:

“Ən yaxşı” anlayışı hər zaman nisbidir. Həssaslıq, oxşar səsləri ayırd etmə qabiliyyəti və səslərin mənbəyini dəqiq müəyyənləşdirmək bacarığı bütün bunlar heyvanların eşitmə qabiliyyətini müəyyən edən fərqli amillərdir".

Alim etiraf edib ki, onun favoritləri bayquşlardır:

“Mən bayquşlarla işləmişəm, ona görə də onlar siyahımda birinci yeri tutur. Onların bütün eşitmə sistemi gecə ovçuluğu və səs vasitəsilə ovun yerini müəyyənləşdirmək qabiliyyətinə uyğun formalaşıb".

Okeanoqrafiya İnstitutunun (Woods Hole, ABŞ) elmi əməkdaşı Darlin Ketten isə ən yaxşı eşidənlər sırasında delfinləri və yarasaları qeyd edib. O, onların ekolokasiya qabiliyyətinə diqqət çəkib:

“Mənə delfinlərin və yarasaların eşitməsi xoşdur, çünki onlar sadəcə səsi qəbul edib emal etmirlər, həm də onu ətraf mühitlərinin aktiv surətdə təsvirini yaratmaq üçün istifadə edirlər". Məqalədə əlavə olunub ki, həm yarasaların, həm də delfinlərin qulaqlarında öz ekolokasiya siqnallarının səsindən kar olmamaları üçün xüsusi mexanizmlər mövcuddur.

Southall Environmental Associates şirkətinin prezidenti və baş elmi əməkdaşı Brendon Sautholl isə bildirib ki, ən yaxşı eşidən heyvanlardan danışarkən tez-tez bir qrup unudulur üzgəclilər. Onlara suitilər, morslar və dəniz şirlərinin daxil olduğunu deyib:

“Onlar demək olar ki, mümkünsüz olanı bacarırlar həm suyun üzərində, həm də suyun altında eşidə bilirlər".

Sauthollun sözlərinə görə, bəzi üzgəclilər quruda demək olar ki, bayquşlar qədər yaxşı eşidir, bəziləri isə suda təxminən delfinlər qədər yaxşı eşitmə qabiliyyətinə malikdir. O, sahədə işləyərkən suitilərin 1,6 kilometr uzaqlıqda qarın xışıltısına belə reaksiya verdiyini müşahidə etdiyini qeyd edib.

Heyvanlar Heyvanalar aləmi