Ən sadiq it cinsləri AÇIQLANDI – Sədaqətləri üçün seçməyə dəyər

İtlərin çəkisi onların sahibinə olan sədaqətinə təsir göstərmir. Ancaq kiçik boylu itlərin daha sadiq olduqları bildirilir.

Lent.az xəbər verir ki, bu dəfə mütəxəssislər sahibinə çox sadiq olan it cinslərini açıqlayıblar. Onları təqdim edirik:

Şih Tzu

Sədaqətin təcəssümü adlandırılan bu heyvanlar əsl qucaq itləridir. Onlar sahiblərinin hara getdiklərini daim izləyir və onların hərəkətlərinə maraq göstərir. Bu itlərin yaxşı tərəflərindən biri isə absurd xarakterə malik olmamasıdır.

Çihuahua

Bu cins itlər davakardırlar. Çox qısqanc, aktiv, daim maraqlanan ev heyvanlarıdır. Diqqəti yüksək qiymətləndirir və sahibinə kifayət qədər bağlı olurlar. Onları uzun müddət tək buraxmaq tövsiyə edilmir. Çünki Çihuahua itlərinin sahibindən ayrı qalmağa dözümü yoxdur.

Dachshund

Bu it cinsi monoqamdır və tənha insanlar üçün idealdır. Dachshunds yad insanlara laqeyddir, lakin hücuma meylli deyillər. Dachshunds sahibləri ilə mehribandır və bəzən qısqanc ola bilirlər.

Yorkshire Terrier

Yorkshire Terrier itlərinin sosial yönümlü olduqlarını deyə bilərik. Bu it sadəcə sahibləri ilə deyil, həm də yad insanlarla da ünsiyyət qurmağı sevir. Terierlər onu yedizdirənə, daraqlayana, təmizləyən və gəzdirən hər kəsə bağlanır. Onlar tənha qalmağı sevmir, sahiblərindən daim sevgi və diqqət gözləyir.