Zaqatalada maşın aşıb: xəsarət alanlar var - YENİLƏNİB

Zaqatalada baş verən yol qəzasında xəsarət alanların kimliyi məlum olub.

Lent.az xəbər verir ki, qəza zamanı yaralananlar rayonun Əliabad qəsəbə sakinləri - 1984-cü il təvəllüdlü Ramin Səfər oğlu Səfərov və 2002-ci il təvəllüdlü Orxan Elşad oğlu Ramazanovdur. Hər iki şəxsin müalicəsi xəstəxananın cərrahiyyə şöbəsində aparılır.

***

20.59

Zaqatalada baş verən yol qəzasında iki nəfər xəsarət alıb.

Lent.az-ın məlumatına görə, hadisə saat 20 radələrində Yevlax-Zaqatala-Gürcüstan sərhədi magistiral yolunun Zaqatala rayonun Əliabad qəsəbəsi ərazisindən keçən hissəsində baş verib.

İlkin məlumata görə, minik avtomobili idarəetmədən çıxaraq aşıb. Qəza zamanı xəsarət alan iki nəfər - rayonun Əliabad qəsəbə sakinləri Zaqatala Rayon Mərkəzi Xəstəxanasına aparılıblar. Hazırda yaralıların müayinəsi aparılır və şəxsiyyətləri dəqiqləşdirilir.

Faktla bağlı araşdırma aparılır.