Zaqatalada  ƏMƏLİYYAT:   havaya dron qaldırıldı - FOTO
23 avqust 2022 13:48 (UTC +04:00)

Zaqatalada ƏMƏLİYYAT: havaya dron qaldırıldı - FOTO

Zaqatalada dövlət sərhədi pozulub.

Dövlət Sərhəd Xidmətindən Lent.az-a verilən məlumata görə, avqustun 22-də saat 17:30-da “Zaqatala” sərhəd dəstəsinin Zaqatala rayonunun Kəpənəkçi kəndi yaxınlığında yerləşən sərhəd zastavasının xidməti ərazisində 1 nəfər naməlum şəxsin Alazan çayını keçərək dövlət sərhədini Azərbaycandan Gürcüstana və əks istiqamətdə pozması barədə əməliyyat məlumatı daxil olub. Sərhəd zastavası dərhal “Silaha” komandası üzrə hərəkət edərək, xidməti ərazi qapadılmış və sərhəd pozucusunun axtarışını təmin etmək məqsədilə kəşfiyyat pilotsuz uçuş aparatı havaya qaldırılıb.

Saat 17:45-də şübhəli şəxsin yeri müəyyən edilmiş və sərhəd naryadı tərəfindən saxlanılıb. Saxlanılan şəxsin Azərbaycan vətəndaşı, Zaqatala rayon Mosul kənd sakini 58 yaşlı Həstərov Zakir Veysəlqara oğlu olması müəyyənləşdirilib. İlkin dindirmə zamanı sərhəd pozucusu dövlət sərhəddini pozduğunu etiraf edib.

Fakt üzrə əməliyyat-istintaq tədbirləri davam etdirilir.

1 2 3 4 5 İDMAN XƏBƏRLƏRİ
# 19794
avatar

Mehman Nəbiyev

Oxşar yazılar