Zaqatalada yanğın hadisəsi qeydə alınıb. APA TV-nin məlumata görə, yanğın rayonun Göyəm kəndində, İlqar Muhuma oğlu Ramazanovun yaşadığı evin həyətyani sahəsində tikilmiş, ümumi sahəsi 70 kvadrat metr olan mal tövləsində qeydə alınıb. Hadisə yerinə Fövqaladə Hallar Nazirliyinin (FHN) Zaqatala rayon Dövlət Yanğından Mühafizə Hissəsinin texnikası və canlı qüvvəsi cəlb edilib. Yanğın nəticəsində mal tövləsinin yanar konstruksiyaları və tövlənin çardağına yığılmış 200 ədəd ot bağlaması yanaraq yararsız hala düşüb. Yanğının genişlənərək yaxınlıqdakı tikililərə keçməsinin qarşısı alınıb. Yanğın zamanı tövlədə olan iribuynuzlu mal-qara xilas edilib. Faktla bağlı FHN-nin Zaqatala rayon DYMH-də araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
