Bu gün Xaçmaz rayonunda yanğın hadisəsi baş verib.
APA-nın şimal bürosunun verdiyi məlumata görə, rayonun Mürşüdoba kəndində 1928-ci il təvəllüdlü İsbatov Balayar Səfixan oğluna məxsus, ümumi sahəsi 63 kvadratmetrli yaşayış evinin 15 kavadratmetri yanıb.
Hadisə yerinə Xaçmaz Dövlət Yanğından Mühafizə Hissəsinin 2 yanğınsöndürən maşını cəlb olunub.
Alovun daha geniş əraziyə keçməsinin qarşısı alınıb. Yanğın nəticəsində 2010-cu il təvəllüdlü İsbatova Mələk Xəlil qızı ağır bədən xəsarətləri alıb.
Azyaşlı 2-3-cü dərəcəli texniki yanığ xəsarətləri ilə Xaçmaz Mərkəzi Rayon Xəstəxanasına yerləşdirilib. Onun vəziyyətinin ağır olduğu bildirilir.
Faktla bağlı araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
