Ramiz Əzizbəylinin xanımı: “Nazirlikdən heç bir zəng olmayıb ”

Mədəniyyət və Turizm Nazirliyi ağır xəstəlikdən əziyyət çəkən xalq artisti Ramiz Əzizbəyli ilə bağlı tapşırıq verməsinə, aktyorun xanımı münasibət bildirib. Lent.az-a açıqlama verən R.Əzizbəylinin xanımı bildirib ki, aktyora heç nazirlikdən telefon zəngi də gəlməyib: “Bu gün bütün televiziya kanallarında və saytlarda məlumat öyrəndim ki, nazirlik Ramiz bəyi xəstəxanaya yerləşdirib. Amma bu belə deyil. Heç bir Nazirlikdən də maraqlanan olmayıb. Ramiz bəyi bu gün səhər öz hesabımıza xəstəxanaya yerləşdirmişik. Həkimlər müayinə etdilər, indi xəstəliyin diaqnozu qoyulacaq. Onun yanında qalmağa da imkan vermirlər. Bu gün səhər bir dəfə yanına girdim, çıxdım. İndi də evə gəlmişik. Hazırda həkimlərin nəzarətindədir. Ümidimiz həkimləridir. Görək nə olur”.

Qeyd edək ki, məşhur aktyor Ramiz Əzizbəyli hazırda Tibb Universitetinin tədris terapiya şöbəsinin reanimasiyasındadır. O, fevralın 9-da Yasamalda öz məhəllərində avtomobil qəzası keçirib.