Qaxda fərdi yaşayış evi yandı

Qaxda fərdi yaşayış evi yanıb.

APA-nın şimal-qərb bürosunun məlumatına görə, bu gün günorta saatlarında rayonun Alatəmir kəndində Tartaraşvili Barda Platonoviçə məxsus, ümumi sahəsi 160 kv. m olan, birmərtəbəli kürsülü fərdi yaşayış evində yanğın baş verib.

Hadisə yerinə Fövqəladə Hallar Nazirliyinin Qax rayon Dövlət Yanğından Mühafizə Hissəsinin iki yanğınsöndürən maşını və şəxsi heyəti cəlb edilib. Yanğın nəticəsində evin yanar konstruksiyaları içərisindəki əşyalarla birlikdə yanıb. Yanğın zamanı xəsarət alan olmayıb.

Faktla bağlı araşdırma aparılır.