15 yaşlı oğlan Qarabağ kanalında batdı - YENİLƏNİB

Azərbaycanın Bərdə rayonunda, Yuxarı Qarabağ kanalında batan şəxsin kimliyi məlum olub.

APA-nın xəbərinə görə, batan şəxs Bərdənin Xanağalı kənd sakini, 15 yaşlı Cəfərov Vüsal Qara oğludur.

***

10:15

Bərdə rayonunda bədbəxt hadisə baş verib. Lent.az Fövqəladə Hallar Nazirliyinin saytına istinadən xəbər verir ki, “112” qaynar telefon xəttinə Yuxarı Qarabağ kanalının Bərdə rayonu ərazisindən keçən hissəsində 1 nəfərin batması barədə müraciət daxil olub.

Hadisə yerinə nazirliyin xilasediciləri cəlb edilib və axtarışlara başlanılıb. Əlavə məlumat veriləcək.