Bakıda həyəti qar suları basıb, 3 nəfər xilas edildi

Bakıda qarın əriməsi nəticəsində 3 nəfər mənzilində köməksiz qalıb. Lent.az-ın Fövqəladə Hallar Nazirliyinin saytına istinadən məlumatına görə, fevralın 22-də yağan qarın əriməsi və qrunt sularının qalxması səbəbindən Sabunçu rayonunda fərdi yaşayış evinin həyətini su basıb və 3 nəfər köməksiz vəziyyətdə qalıb.

Dərhal FHN-nin xilasediciləri xüsusi texnikalar vasitəsi ilə vətəndaşları təhlükəsiz əraziyə köçürüb və aidiyyəti üzrə təhvil veriblər.