Prokuror mənimsəmədə ittiham edilən şəxsə ağır cəza istədi

Bu gün Bakı Ağır Cinayətlər Məhkəməsində "EVE-S” MMC-nin əməkdaşı, "Nataxtari” limonadlarının satışı ilə məşğul Orxan Siyabovun cinayət işi üzrə məhkəmə prosesi davam edib. O.Siyabov mənimsəmədə ittiham edilir.

Lent az-ın məlumatına görə, məhkəmə istintaqı başa çatıb. Prosesdə dövlət ittihamçısı çıxış edib. O, O.Siyabovun 9 il müddətinə azadlıqdan məhrum edilməsini və məhkəmə zalında həbs edilməsini istəyib. Proses iyinun 8-də davam edəcək.

Qeyd edək ki, O. Siyabovun şirkətin 15 min manatını mənimsədiyi bildirilir. Ona Cinayət Məcəlləsinin 179-cu (mənimsəmə) maddəsinə əsasən ittiham edilir. Onun barəsində həbs qətimkan tədbiri seçilməyib.