Ötən gecənin yanğın statistikası

Ötən gecə Azərbaycanın bir neçə rayonunda yanğın hadisəsi baş verib.

APA-nın Fövqəladə Hallar Nazirliyinin (FHN) saytına istinadən verdiyi xəbərə görə, Ucar şəhərində evdə yanğın baş verib. Məlumata görə, 4 otaqlı mənzilin 1 otağı yanğıb. Mənzilin qalan hissəsi yanğından mühafizə olunub.

Abşeron rayonunda isə transformatorda yanğın olub. Dərhal hadisə yerinə yanğınsöndürənlər cəlb edilib və yaxınlıqdakı tikililər yanğından mühafizə olunub.

Bakının Xətai rayonunda fərdi yaşayış evində yanğın olub. Xəsarət alan yoxdur.

Ağdaş rayonunun Aşağı Zeynəddin kəndinin meşə ərazisində 1,5 ha kol-kos yanmıb. Meşə zolağı yanğından mühafizə olunub.

Qəbələ rayonunun Mamaylı kəndində isə tövlə yanıb. Yanğında tövlənin damına yığılmış 1,5 ton ot bağlaması da yanıb.

Ağcabədi rayonunda isə fərdi yaşayış evinin həyətindəki köməkçi tikilidə yanğın baş verib.

Nefçala rayonu Qaraqaşlı kəndində isə 3 otaqlı ev içindəki əşyalarla birlikdə tamamilə yanıb. Yaxınlıqdakı tikililər yanğından mühafizə olunub. Ölən və xəsarət alan yoxdur.