Mağazadan oğurluq edən şəxs tutuldu

Bakıda mağazadan oğurluq etməkdə şübhəli bilinən şəxs saxlanılıb. Bakı Şəhər Baş Polis İdarəsindən Lent.az-a verilən məlumata görə, hadisə noyabrın 5-də gecə saatlarında Binə qəsəbəsində baş verib. Xəzər RPİ PPXB və 2-ci PB əməkdaşlarının birgə keçirdikləri əməliyyat-axtarış tədbirləri nəticəsində Füzuli Abbasova məxsus mağazadan plastik qapını sındırmaqla 60 manat, tütün məmulatları və ərzaq məhsulları oğurlamaqda şübhəli bilinən Bakı şəhər sakini, 1989-cu il təvəllüdlü Natik Bağır oğlu Muradov tutulub.