Lənkəranda avtomobil yanıb: sürücünün 2 yaşlı oğlu xəsarət alıb

Lənkəranda minik avtomobilinin yanması nəticəsində 2 yaşlı uşaq yanıq xəsarətləri alıb.

APA-nın cənub bürosunun məlumatına görə, hadisə iyunun 3-də saat 19.40 radələrində şəhərin “Çay qırağı” deyilən ərazisində yerləşən avtoservisdə qeydə alınıb.

Lənkəran şəhər sakini, 1974-cü il təvəllüdlü Elşən Hüseynağa oğlu Hüseynova məxsus “VAZ-2104” markalı minik avtomobili qəfildən yanmağa başlayıb. Hadisə yerinə Fövqəladə Hallar Nazrliyinin Lənkəran Rayon Yanğından Mühafizə Hissəsinin yanğınsöndürən maşını və canlı qüvvəsi cəlb olunub. Avtomobildəki yanğın söndürülüb və onun yaxınlıqdakı avtomobillərə keçməsinin qarşısı alınıb.

Yanğın zamanı “VAZ-2104” markal avtomobil tamamilə yanaraq, yararsız hala düşüb, həmçinin maşının salonunda əyləşmiş sürücünün 2 yaşlı oğlu Məmmədəli Hüseynli II və III dərəcəli yanıqla Lənkəran Mərkəzi Rayon Xəstəxanasına yerləşdirilib. Xəstəxanada uşağa ilkin tibbi yardım göstərilib, lakin vəziyyəti ağırlaşdığından Bakıya Respublika Yanıq Mərkəzinə yola salınıb.

Faktla bağlı araşdırma aparılır.