Bu gün Bakı Ağır Cinayətlər Məhkəməsində qəsdən adam öldürməyə cəhddə ittiham olunan Quba rayon sakini, 1991-ci il təvəllüdlü Qafar Ağazadənin cinayət işi üzrə məhkəmə prosesi başa çatıb. Lent.az-ın məlumatına görə, hakim Rahib Salmanovun sədrliyi ilə keçirilən prosesdə təqsirləndirilən şəxsə hökm oxunub. Məhkəmənin hökmü ilə Qafar Ağazadə 11 il 3 ay müddətinə azadlıqdan məhrum edilib.
Qeyd edək ki, Qafar Ağazadə bu il mayın 21-də Quba rayonun Barlı kəndində həmyaşıdı İlqar Babayevi bıçaqlayıb. Bədənin müxtəlif yerlərindən bıçaq xəsarətləri alan İlqar Babayevə Xaçmaz Rayon Mərkəzi Xəstəxanasında tibbi yardım göstərilib. Vaxtında tibbi yardım göstərildiyi üçün onun həyatını xilas etmək mümkün olub.
Qafar Ağazadə Cinayət Məcəlləsinin 29, 120.1-ci (qəsdən adam öldürməyə cəhd) maddəsi ilə ittiham edilib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
