“Son 2 gündə paytaxtda 22 ağac aşıb”.
Bu haqda Lent.az-a Bakı şəhər İcra Hakimiyyəti Yaşıllaşdırma Təsərrüfatı Birliyinin Bitkilərin mühafizəsi şöbəsinin rəisi Orxan Məmmədov məlumat verib. O bildirib ki, ağac aşmaları nəticəsində xəsarət alan olmayıb:
“Yalnız 2 avtomobilin üzərinə ağac düşmüşdü. Külək səbəbindən qəzalı vəziyyətə düşən ağaclar da olub. Bununla bağlı müvafiq işlər görülür”.
O.Məmmədov qeyd edib ki, birliyin şəxsi heyəti gücləndirilmiş iş rejimində çalışır və bu rejim küləyin fəsadlarının tam aradan qalxmasına qədər davam edəcək:
"Ən çox ağac aşması paytaxtın Nəsimi, Yasamal, Binəqədi, Xətai rayonlarında qeydə alınıb”.
Qeyd edək ki, aşan və ya qəzalı vəziyyətdə olan ağaclarla bağlı (+994 12) 570 73 30 nömrəli qaynar xəttə zəng vuraraq məlumat verə bilərsiniz.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
