Gəncədə yolu keçmək istəyən piyadanı maşın vurub. APA-nın qərb bürosunun verdiyi məlumata görə, hadisə fevralın 20-də şəhərin Heydər Əliyev prospektində baş verib. Gəncə şəhər sakini, 1988-ci il təvəllüdlü Vasif Nəsirov idarə etdiyi "VAZ 2106" maşın ilə yolu keçmək istəyən şəhər sakini, 1943-cü il təvəllüdlü Sədaqət Hacı qızı Hacıyevanı vurub.
Qadın ağır vəsiyyətdə Gəncə şəhər Təcili Tibbi Yardım xəstəxanasına yerləşdirilib. Kəllə beyin travması və ayağında sınıq xəsarəti alan S. Hacıyeva reanimasiya şöbəsinə köçürülüb. Həkimlər onun vəziyyətinin ağır olduğunu bildirilər. Hadisəyə səbəb kimi hava şəraitinin pis olması göstərilir.
Faktla bağlı Gəncə şəhər Baş Polis İdarəsində araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
