Evdən qaçan bu oğlandan 6 aydır xəbər yoxdur

Bir neçə ay əvvəl evdən qaçan 15 yaşlı oğlandan hələ də xəbər yoxdur. Gəncə şəhər Baş Polis İdarəsindən Lent.az-a verilən məlumata görə, şəhər sakini, 1998-ci il təvəllüdlü Seyidov Nicat Eldəniz oğlu bu ilin yanvar ayında yaşadığı evdən gedib və bir daha geri qayıtmayıb.

Nicat Seyidovun xarakterik əlamətləri belədir: boyu 165 sm, arıq bədən quruluşlu, saçları və gözləri qaradır. Evdən çıxarkən əynində göy gödəkcə, göy cins şalvar, boz sviter, qara ayaqqabı olub.

Polisin yaydığı məlumatda qeyd edilir ki, 15 yaşlı oğlan dəfələrlə Bakı şəhərinə qaçaraq Milli Parkda, 8-ci kilometr qəsəbəsində yerləşən bazarda və parkda, paytaxtın digər kütləvi istirahət məkanlarında və iri iaşə obyektlərində günəmuzd işləyib, bazarətrafı evlərdə kirayədə yaşayıb.

İtkin düşmüş yetkinlik yaşına çatmamış bu şəxsi görənlərdən və ya Nicat Seyidov barədə məlumatı olanlardan DİN-in "102" Xidmətinə, (022) 256-07-73, (022) 256-52-19 (Gəncə şəhəri), həmçinin (050) 350-05-92 və (050) 327-58-50 nömrəli şəhər və mobil telefonlarına zəng vurmaları xahiş olunur.