Daxili İşlər Nazirliyi Bakıda ruhi-əsəb xəstəxanasından qaçan şəxslərin tutulması ilə bağlı məlumat yayıb. Lent.az-ın nazirliyin saytına istinadən verdiyi məlumata görə, Bakı Şəhər Baş Polis İdarəsinin Cinayət-Axtarış İdarəsi əməkdaşlarının keçirdikləri əməliyyat-axtarış tədbirləri nəticəsində Maştağa qəsəbəsində yerləşən 1 saylı Ruhi Psixiatriya Xəstəxanasından qaçmış, Azərbaycan Respublikası Cinayət Məcəlləsinin 304-cü maddəsi (azadlıqdan məhrum etmə yerindən, həbsdən və ya mühafizə altından qaçma) ilə axtarışda olanlar tutulub. Hər iki şəxs: Tural Abbasov və Yusif Məhərrəmov Yeni Günəşli qəsəbəsi “V” yaşayış sahəsindəki mənzillərdən birində yaxalanıblar.
Qeyd edək ki, xəstəxanadan qaçan şəxslər müxtəlif cinayətlərdə təqsirləndiriliblər.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
