Binəqədidə ikimərtəbəli evin hamamı yandı

Bakıda iki mərtəbəli evdə yanğın baş verib. Lent.az-ın Fövqəladə Hallar Nazirliyinin saytına istinadən məlumatına görə, Binəqədi rayonunda vətandaşa məxsus ümumi sahəsi 300 kv.m olan ikimərtəbəli evin 1-ci mərtəbəsində yerləşən hamam otağında plastik vanna 1 kv.m sahədə yanıb. Yüksək temperaturdan 8 kv.m sahədə lambirdən ibarət tavan əriyib. Evin qalan hissəsi yanğından mühafizə olunub.

Faktla bağlı araşdırma aparılır.