Fövqəladə Hallar Nazirliyi bu gün səhər saatlarında Binə Ticarət Mərkəzində baş vermiş yanğın hadisəsi ilə bağlı məlumat yayıb. Lent.az-ın məlumatına görə, nazirliyin saytı xəbər verir ki, Bakının Qaradağ rayonunda vətəndaşa məxsus ümumi sahəsi 40 m2 olan geyim mağazasının yanar konstruksiyaları və içərisindəki mallar, digər vətəndaşlara məxsus ümumi sahəsi 216 m2 olan geyim mağazalarının tavanları ümumilikdə 22 m2 sahədə yanıb.
Mağazaların qalan hissəsi və bitişik mağazalar yanğından mühafizə olunub. Yanğın saat 10:48-də yanğınsöndürənlər tərəfindən söndürülüb.
***
11:00
Binə Ticarət Mərkəzində baş vermiş yanğın söndürülüb. Lent.az Fövqəladə Hallar Nazirliyinin saytına istinadən bildirir ki, nazirliyin Dövlət Yanğından Mühafizə Xidməti baş vermiş yanğının qarşısını alıb.
10:55
Binə Ticarət Mərkəzində yanğın baş verib.
Lent.az Fövqəladə Hallar Nazirliyinin saytına istinadən bildirir ki, nazirliyə Bakı şəhəri, Qaradağ rayonunda “Binə” ticarət mərkəzində yanğının baş verməsi barədə məlumat daxil olub. Dərhal Fövqəladə Hallar Nazirliyinin Dövlət Yanğından Mühafizə Xidmətinin canlı qüvvə və texnikası hadisə yerinə cəlb olunub.
Yanğının söndürülməsi istiqamətində işlər davam etdirilir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
