Bu gecə Fövqəladə Hallar Nazirliyinin Bohran Vəziyyətlərində İdarəetmə Mərkəzinə Göygöl rayonunda 1 nəfərin qaz xəttində təmir işləri apararkən barmağının dəmir parçası arasında qalması barədə müraciət daxil olub. Lent.az nazirliyin saytına istinadən xəbər verir ki, xilasetmə qüvvələri hadisə yerinə cəlb olunub. Gəncə Regional Mərkəzinin xilasediciləri dəmir parçasını kəsərək vətəndaşın barmağından çıxarıb və zərərçəkmişi Təcili Tibbi Yardım əməkdaşlarına təhvil verib.
Əməliyyat saat 01:22-də başa çatıb.