"Baku Bus"ın avtobusu qəzaya düşdü

Bu gün Bakının Nəsimi rayonunda sərnişin avtobusu qəzaya düşüb. Lent.az-ın məlumatına görə, metronun 28 May stansiyasının yaxınlığında, Azadlıq prospektində "Baku Bus"a məxsus “İveco” markalı (5 saylı marşrut) avtobus ilə "Lexus" markalı minik avtomobili toqquşub. Nəticədə hər iki nəqliyyat vasitəsinə müəyyən qədər zərər dəyib.

Qəzaya düşən nəqliyyat vasitələrinin sürücüləri sığorta şirkətinin nümayəndəsinin gəlməsini gözlədiyindən ərazidə müəyyən sıxlıq yaranıb. Avtobusun sərnişinləri yollarına piyada davam etməli olub.