Bakıda sevgilisi ilə evdə yaxalanan oğlanı döyüblər. Lent.az-ın məlumatına görə, hadisə 7-ci mikrorayon, dairəvi yolun yaxınlığında yerləşən mənzildə baş verib. Abşeron rayon sakini, 26 yaşlı Ağasəf Səfərov (ad və soyadlar şərtidir) həmin mənzildə sevgili münasibətində olduğu Gülər adlı qadınla görüşüb. Qəfildən evə qızın qohumları basqın ediblər və onlar A.Səfərovu döyüblər. Bundan sonra həmin şəxslər 26 yaşlı oğlanı avtomobillə Novxanı qəsəbəsindəki bağ evinə gətirərək, orada yenidən amansızlıqla döyüblər.
Polisə müraciət edən A.Səfərov onu döyən şəxsləri tanımadığını və Novxanıya aparıldığı maşının nömrəsini xatırlamadığını deyib.
26 yaşlı oğlanın müraciəti əsasında araşdırmalar davam etdirilir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
