Bakıda quldurluq hadisəsi baş verib. Lent.az-ın məlumatına görə, martın 6-sı saat 04:30 radələrində Sabunçu rayon Balaxanı qəsəbəsində yerləşən evlərin birinə basqın olub. 2 nəfər naməlum şəxs gecəyarısı Cahangir küçəsi, dalan 1, ev 5 ünvanına daxil olaraq Məmmədova Nazilə Xıdır qızına qarşı zorakılıq ediblər. Həmin şəxslər qadını döyüblər və ona hədə-qorxu gələrək 2500 manat pul alıblar.
Quldurların evi tərk etməsindən sonra qadın başına gələnlərlə bağlı polisə məlumat verib.
Faktla bağlı zəruri əməliyyat-axtarış tədbirləri həyata keçirilir.