Bakıda müğənni intihar edib - YENİLƏNİB 3

Gənc müğənni Elvin Ordubadlının bacısı qardaşının intiharı ilə bağlı açıqlama verib.

Lent.az-ın big.az-a istinadən məlumatına görə, müğənninin bacısı Zeynəb Hacıyeva deyib ki, qardaşının hər hansı ciddi problemi olmayıb:

"İçkili olub Elvin. İntihar edəndə yanında anam olub. Anam onun dalınca qaçsa da tuta bilmədi. Xəstəxanada əlimdən tutub can verdi. Qardaşım çox xoşbəxt idi. Övladları üçün canını verərdi. İçkiyə qurşanandan sonra çox dəyişdi".

Xatırladaq ki, azərbaycanlı müğənni bu gün intihar edib. Hadisə Bakıxanov qəsəbəsində qeydə alınıb. Qəsəbə sakini, 1989-cu il təvəllüdlü Elvin Quliyev yaşadığı binanın 5-ci mərtəbəsindən özünü ataraq intihar edib

*****

Bakıda müğənninin intiharı ilə bağlı bəzi məsələlər aydınlaşıb. Lent.az-ın məlumatına görə, gənc müğənni Elvin Quliyev (Ordubadlı) dekabrın 25-nə keçən gecə saat 02 radələrində özünü yaşadığı binanın 5-ci mərtəbəsindən atıb.

Lent.az-ın əldə etdiyi məlumata görə, Elvin Ordubadlı Bakıxanov qəsəbəsində yerləşən binanın 5-ci mərtəbəsindəki mənzildə anası ilə birgə yaşayıb. Hadisə baş verərkən gənc müğənninin anası evdə olub. O, oğlunun özünü binadan atmasından sonra binanın qarşısına düşərək ona kömək etməyə çalışıb.

E.Ordubadlı 2014-ci ildə “Azərbaycanın səsi” yarışmasının qalibi olub. Bəlli olub ki, gənc müğənni ailəli olub və iki qızı var. Onun böyük qızı ikinci sinfə gedir, digər qızının isə 5 yaşı var.

İntihar edən müğənninin hər hansı məktubu və ya qeydi tapılmayıb.

Faktla bağlı başlanmış cinayət işinin istintaqı davam etdirilir.

*****

15:18

Bakıda müğənninin intiharı ilə bağlı bəzi məqamlar aydınlaşıb. Lent.az-ın məlumatına görə, hadisə dünən axşam saatlarında Bakıxanov qəsəbəsində qeydə alınıb. Özünü binanın 5-ci mərtəbəsindən atan 1 noyabr 1989-cu il təvəllüdlü Quliyev Elvin Ramazan oğlu hadisə yerindəcə keçinib.

Faktla bağlı Cinayət Məcəlləsinin 125-ci (özünü öldürmə həddinə çatdırma) maddəsi ilə iş başlanılıb. Araşdırma parılır.

*****

Bakıda müğənni intihar edib. Lent.az-ın məlumatına görə, 1 noyabr 1989-cu ildə anadan olmuş Elvin Ordubadlı adlı müğənni özünü binadan ataraq intihar edib. E.Ordubadlının dostları feysbukda yazıb ki, o özünü binadan atıb.

Qeyd edək ki, E.Ordubadlı "Azərbaycanın səsi" musiqi yarışmasının qalibi olub.