Milli Şuranın mitinqi başa çatıb - YENİLƏNİB

Bakıda Milli Şuranın şəhər İcra Hakimiyyəti ilə razılaşdırılmış mitinq keçirib.

APA-nın xəbərinə görə, aksiyada AXCP sədri Əli Kərimli, Milli Şuranın sədri Cəmil Həsənli, həmçinin Gültəkin Hacıbəyli, Rövşən Əhmədov və Nurəddin Məmmədli çıxış ediblər.

Aksiya insidentsiz başa çatıb.

***

Aksiyada Azərbaycanla yanaşı başqa ölkələrin bayraqlarının, həmçinin radikal dindarların fotolarının, onlara dəstək şüarlarının qaldırılması diqqət çəkib.

***

Bakıda Milli Şuranın şəhər İcra Hakimiyyəti ilə razılaşdırılmış mitinqi başlayıb.

APA-nın xəbərinə görə, aksiyanın təhlükəsizliyi Bakı polisi tərəfindən təmin olunur.

Hazırda mitinq davam edir.

Qeyd edək ki, mitinqdə AXCPsədri Əli Kərimli, Milli Şuranın sədri Cəmil Həsənli və başqaları çıxış edəcək.

Aksiyada təşkilatçıların əvvəlcədən proqnoz verdiyindən çox az adam iştirak edir.