Bakıda mənzildən külli miqdarda qızıl və xeyli pul oğurlanıb. Xətai rayon Polis İdarəsindən Lent.az-a verilən məlumata görə, Tağızadə küçəsində yaşayan Babayev Samir Hənifə oğlu şikayət ərizəsi ilə müraciət edib. O bildirib ki, beşmərtəbəli binanın 2-ci mərtəbəsində yerləşən mənzilindən naməlum şəxs və ya şəxslər oğurluq edib. Şikayətçi qeyd edib ki, mənzilin eyvanından keçmək yolu ilə yataq otağındakı seyf açılıb. Orada olan 100 min manat dəyərindəki qızıl-zinət əşyaları, 200 dollar və xeyli Azərbaycan manatı götürülüb.
Hadisə baş verən vaxt evdə kimsə olmayıb.
Hazırda fakt üzrə zəruri əməliyyat-istintaq tədbirləri həyata keçirilir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
