Martın 11-nə keçən gecə Bakı şəhərinin Nizami rayonu ərazisində baş vermiş dəhşətli qəzada ölənlərdən biri polis əməkdaşı imiş. Lent.az-ın məlumatına görə, “Toyota Camry” markalı 90 XL 023 dövlət nömrə nişanlı avtomobilin Heydər Əliyev prospektində, “Şəfa” stadionunun qarşısında tikinti sahəsindəki quyuya düşməsi və yanması nəticəsində ölən 1984-cü il təvəllüdlü Quliyev Heydər Balabəy oğlu Dəmir yolu Nəqliyyatında Polis İdarəsinin əməkdaşı, polis serjantı olub. Onunla birgə dostu 1985-ci il təvəllüdlü Tural Abdullayev də qəzaya uğramış avtomobildə yanaraq ölüb.
Qeyd edək ki, Fövqəladə Hallar Nazirliyinin "112" qaynar telefon xəttinə martın 11-də gecə Bakı şəhəri, Nizami rayonunda "Toyota" markalı minik avtomobili yolun təmir-tikinti işləri aparılan hissəsində qazılmış dərəyə düşməsi barədə məlumat daxil olub. Nəticədə avtomobildə yanğın baş verib. Fövqəladə Hallar Nazirliyinin Dövlət Yanğından Mühafizə Xidmətinin yanğınsöndürənləri, Xüsusi Riskli Xilasetmə Xitmətinin xilasediciləri hadisə yerinə cəlb olunublar.
Faktla əlaqədar Nizami rayon Polis İdarəsində cinayət işi açılıb, araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
