Bakıda kişi yoxa çıxan 16 yaşlı qızını axtarır

Bakıda yeniyetmə qız itkin düşüb. Lent.az-ın məlumatına görə, Binəqədi rayonu Rəsulzadə qəsəbə sakini, 1973-cü il təvəllüdlü Məmmədrzayev Əlihüseyn Hafiz oğlu (ad və soyadlar şərtidir) 7-ci Polis Bölməsinə müraciət edərək bildirib ki, qızı, 1999-cu il təvəllüdlü Gülcahan evdən çıxıb və bir daha geri qayıtmayıb. Ə.Məmmədrzayev deyib ki, övladı yanvarın 7-də evi tərk edib. O, qızının xarakterik əlamətlərini və evdən çıxarkən əynində olan geyim barəsində də qeydlər edib.

Axtarış tədbirləri davam etdirilir.