BAKIDA DƏHŞƏTLİ DRAM: 22 yaşlı qız son mesajında nə yazdı? - TƏFƏRRÜAT

Ötən gecə Bakı şəhərinin Nərimanov rayonunda, Arif Heydərov küçəsində yerləşən “Kosmos” yaşayış kompleksində baş vermiş dəhşətli intihar hadisəsi ilə bağlı bəzi məqamlar üzə çıxıb. Lent.az-ın əldə etdiyi məlumata görə, özünü binadan ataraq intihar edən 1994-cü il təvəllüdlü Sadıqova Zəhra Telman qızının 3-cü mərtəbədəki mənzildə kirayə yaşadığı məlum olub.

Qonşular bildiriblər ki, 22 yaşlı Zəhra bir müddət əvvəl həmin mənzilə köçübmüş. Bir neçə gün imiş ki, onun həmin evdə birgə yaşadığı şəxslə münasibətləri pozulub. Son günlərdə zorakılıqla üzləşən qadın hətta üzündəki izləri gizlətmək üçün sifətini də bağlayıbmış.

Bildirilir ki, Z.Sadıqova 3-cü mərtəbədə yaşasa da, liftlə 16-cı mərtəbəyə çıxıb və binanın eyvanından özünü atıb. O, özünü atmazdan əvvəl telefonu eyvana qoyub. Telefonda Zəhranın mesajları tapılıb. 22 yaşlı qadının telefonunda birgə yaşadığı şəxsə yazıldığı iddia edilən vida mesajları tapılıb.

Qeyd edək ki, intihar edərkən Z.Sadıqovanın üzü bağlı olub. O, özünü binadan atarkən əynində həmin şəxsə aid olduğu deyilən hərbi forma olub.

Faktla bağlı başlanmış cinayət işinin istintaqı davam etdirilir.

Qeyd edək ki, 16-cı mərtəbədən özünü atan 22 yaşlı qız əvvəlcə 1-ci mərtəbədəki marketin damına, oradan isə yerə düşüb. Təcili Tibbi Yardım briqadası gələnədək o, keçinib.

*****

23:08

Bakıda intihar edən qadının şəxsiyyəti müəyyənləşib.

APA-nın məlumatına görə, çoxmərtəbəli yaşayış binasından özünü ataraq intihar edən şəxsin Sadıqova Zəhra Telman qızı olduğu məlum olub.

***

Bakıda intihar hadisəsi baş verib.

APA-nın məlumatına görə, insident Arif Heydərov küçəsində qeydə alınıb.

Çoxmərtəbəli yaşayış binasından özünü atan naməlum şəxs 1-ci mərtəbədəki marketin damına, oradan isə yerə düşərək ölüb.

Əlavə məlumat veriləcək.