Bakıda iki nəfəri maşınla vurub qaçdılar

Bakıda naməlum avtomobil qadını vurub. Lent.az Daxili İşlər Nazirliyinin saytına istinadən xəbər verir ki, noyabrın 8-də saat 18 radələrində Suraxanı rayonunun Qaraçuxur qəsəbəsində müəyyən edilməmiş avtomobillə yolu keçən qəsəbə sakini Şamama Mehdiyeva vurulub. Ş.Mehdiyevaya xəstəxanada ilkin tibbi yardım göstərildikdən sonra buraxılıb. Suraxanı RPİ tərəfindən əməliyyat-axtarış tədbirləri aparılır.

Oxşar hadisə Xətai rayonunun N.Tusi küçəsində də baş verib. Noyabrın 8-də saat 22 radələrində Xətai rayonunun N.Tusi küçəsində müəyyən edilməmiş avtomobillə yolu keçən paytaxt sakini Sahib Nəbiyev vurulub. S.Nəbiyevə xəstəxanada ilkin tibbi yardım göstərildikdən sonra buraxılıb. Xətai RPİ tərəfindən əməliyyat-axtarış tədbirləri aparılır.