Bakıda dəhşətli olay: diri-diri yanan insan göydə asılı qaldı - YENİLƏNİB

Bakıda oğurluq edərkən elektrik cərəyanı vuraraq ölən şəxslə bağlı maraqlı faktlar məlum olub.

Nəqliyyatda Baş Polis İdarəsinin Su Nəqliyyatında Polis İdarəsindən APA-ya verilən məlumata görə, faciəli şəkildə dünyasını dəyişən, 1988-ci il təvəllüdlü Qarayev Daşqın Elşən oğlu itkin düşmüş şəxs kimi polisdə qeydiyyatda olub. Avqustun 13-də onun itkin düşməsi barədə qardaşı Elvin Qarayev polisə ərizə ilə müraciət edib.

Daxil olan məlumat əsasında həyata keçirilən tədbirlər nəticəsində müəyyən edilib ki, D. Qarayev 11 avqust tarixində Nəriman Nərimanov adına Neft Qaz Çıxarma İdarəsinin 2-ci mədəninin 111 saylı meydançasında oğurluq etmək məqsədilə yüksək gərginlikli elektrik xətlərini kəsərkən cərəyan vurması nəticəsində ölüb və estakadadan asılı vəziyyətdə qalıb.

Su Nəqliyyatında Polis İdarəsi əməkdaşları tərəfindən onun yeri müəyyən edilib və hava şəraitinin qeyri-sabit olmasına baxmayaraq meyit estakadadan çıxarılıb.

Polisdən həmçinin bildirilib ki, mərhum D. Qarayev 2 ay əvvəl də oğurluq törətdiyinə görə Su Nəqliyyatında Polis İdarəsi əməkdaşları tərəfindən saxlanılıb və barəsində cinayət işi başlanıb.

APA meyitin hadisə yerindən çəkilmiş fotolarını əldə edib.

*****

10:07

Avqustun 14-də Bakı şəhərinin Qaradağ rayonunda dəhşətli hadisə baş verib. Rayon Polis İdarəsindən Lent.az-a verilən məlumata görə, Qobustan qəsəbəsi yaxınlığında, Nərimanov adına Neft Qaz Çıxarma İdarəsinin dəniz üzərindəki estakadalarından keçən yüksək gərginlikli elektrik naqilini kəsmək istəyən şəxs ölüb. Belə ki, naməlum şəxs estakadaya qalxaraq oğurluq məqsədi ilə yüksək gərginlikli elektrik naqillərini kəsmək istəyib. Bu zaman onu cərəyan vurub. Yüksək gərginlik nəticəsində bədəni tamamilə yanmış şəxs estakadadan asılı vəziyyətdə qalıb.

Faktla bağlı məlumat daxil olan kimi araşdırmalara başlanılıb. Məlumolub ki, ölən şəxs 1988-ci il təvəllüdlü Qarayev Daşqın Elşad oğludur. Onun meyiti ekspertizaya göndərilib.

Faktla bağlı araşdırmalar davam etdirilir.