Bakıda “Opel” beton dayaqlara çırpılıb, yaralı var

Bakıda gecə saatlarında bir nəfərin xəsarət alması ilə nəticələnən yol qəzası baş verib. Lent.az-ın Fövqəladə Hallar Nazirliyinin (FHN) saytına istinadən verdiyi xəbərə görə, paytaxtın Binəqədi rayonu ərazisində, “Opel” markalı minik avtomobili yoldan çıxaraq yolun kənarındakı beton dayaqlara çırpılıb. Nəticədə deformasiyaya uğramış avtomobildə sıxılmış vəziyyətdə qalmış sürücü xilasedicilər tərəfindən avtomobildən çıxarılaraq xilas edilib. Əməliyyat saat 01:30-da başa çatıb.