Avtobus qəzasında ölən və yaralananların adları bilindi – SİYAHI

Bu gün Abşeron rayonu ərazisində sərnişin avtobusunun qəzaya uğraması nəticəsində ölən və yaralanan şəxslərin adları məlum olub. Abşeron rayon Polis Şöbəsindən Lent.az-a verilən məlumata görə, Qobu-Güzdək yolunda 10 LV 327 nömrəli “Otoyol” markalı sərnişin avtobusunun qəzaya uğraması nəticəsində ölən şəxs 1948-ci il təvəllüdlü Bəydəmirova Zəkiyyə Əbdüləli qızıdır. Hadisə nəticəsində daha ağır xəsarət almış 8 nəfər isə Bakının müxtəlif xəstəxanalarına yerləşdirilib. Yaralılar bunlardır:

Bədəlov Orucəli Ağadadaş oğlu – 1954

Mahmudova Aygün Məhəmməd qızı – 1973

Ələkbərov Fərid Şakir oğlu – 1984

Həsənova Qətibə Rafiq qızı – 1976

Məmmədov Məhəmməd Nemət oğlu – 1949

Feyziyeva Əsmər Vidadi qızı – 1984

Vəlibəyli Baba Xudaverdi oğlu – 1981

Qarayev Əli Şahbaz oğlu - 1962

****

17.12.2012 saat 10:48

Hadisə-qara

Bakı yaxınlığında sərnişin avtobusu aşdı: ölən və yaralananlar var

Bu gün Abşeron rayonunun Qobu qəsəbəsi ərazisində sərnişin avtobusu aşıb. Rayon Polis Şöbəsindən Lent.az-a verilən məlumata görə, saat 10 radələrində Qobu-Hökməli yolunda 153 saylı xətt üzrə hərəkət edən “Otoyol” markalı avtobus aşıb. Nəticədə xeyli insan yaralanıb. Yaralılar şəhərin müxtəlif xəstəxanalarına aparılıb.

Klinik Tibbi Mərkəzdən APA-ya verilən məlumata görə, xəstəxanaya qəzada xəsarət alan xeyli sərnişin gətirilib. Onlardan biri xəstəxanaya çatdırıldıqdan sonra dünyasını dəyişib. Ölən və yaralananların əksəriyyəti orta məktəb müəllimidir.