Ukraynanın Xarkov şəhərində azərbaycanlı tələbə faciəli şəkildə ölüb.
Azərbaycanın Ukraynadakı səfirliyinin konsulluq məsələləri üzrə I katibi Asim Osmanov APA-ya bildirib ki, bu, 1995-ci il təvəllüdlü, Gəncə şəhər sakini Məmmədov Əli Sənan oğludur.
Ə. Məmmədov Xarkov Milli Universitetinin I kurs tələbəsi olub. Mayın 24-ü axşam saatlarına yaxın şəhər yaxınlığındakı göllərdən birinə tələbə yoldaşı ilə çimməyə gedən Ə. Məmmədov göldə boğulub. Bir neçə saatdan sonra onun meyitini xilasedicilər göldən tapıblar.
Hadisə ilə bağlı hüquq-mühafizə orqanları araşdırma aparır və tələbənin meyiti müvafiq ekspertizadan sonra bu günlərdə Azərbaycana yola salınacaq.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
